കൊറോണയും പി പി ഷിബുവും പിന്നെ ബാക്കി ഉലകവും

ഇരുപത്തൊന്നാം നൂറ്റാണ്ടിലേയൊരു,മുപ്പതുകാരന്‍ ഷിബുവിന്‍ ദിവസം.വെയിലും വീശി അര്‍ക്കനുണര്‍ന്നു,കൈലീം തപ്പി ഷിബുവുമുണര്‍ന്നു.പകലും കാത്ത് കിടന്നവര്‍ മനുജര്‍,അകലം കാട്ടാതൊപ്പമുണര്‍ന്നു.വികസന ചക്രമുരുട്ടീടേണം,പ്രഹസനമെങ്കിലും തടസ്സവുമരുത്.ഡ്രൈവറ്, ഡോക്ടറ്, ഇലക്ട്രിക് വര്‍ക്കറ്,വാച്ചറ്, ടീച്ചറ് കണ്ടക്ടര്‍മാര്‍.ടെക്കികള്‍, മന്ത്രികള്‍, ചാനല്‍ ടീമുകള്‍,വികസനവേഷമണിഞ്ഞു സര്‍വ്വരും.ഹരിതം കണ്ടാല്‍ ത്വരിതം നീക്കണം,റോഡ്‌ കണ്ടാല്‍ കാറ് കേറ്റണം.ഓസോണ്‍ തുളയത് വലുതാക്കേണം,ആമസോണോ കത്തിപ്പടരണം.കാടുകള്‍ തോടുകള്‍ ഇല്ലാതാകണം,ഭൂമി കണ്ടാല്‍ ഫ്ലാറ്റ് പൊങ്ങണം.രക്തബന്ധമായാല്‍ പോലും,രക്തം ചീന്താന്‍ മടിയത് വേണ്ടാ.ഭൂമി ഭരിക്കും ഭൂപതി മനുജര്‍,ഭൂഖണ്ഡങ്ങള്‍ക്കധിപര്‍ ഞങ്ങള്‍.ഉരുളും വികസന പാതയില്‍ നിന്നാ-ലുരുട്ടിക്കൊല്ലും വികസനചക്രം.പി പി ഷിബുവോ ബൈക്കില്‍ കേറി,പീപ്പിയടിച്ചു വര്‍ക്കിനിറങ്ങി.സൂര്യനുറങ്ങണ നേരം … Continue reading കൊറോണയും പി പി ഷിബുവും പിന്നെ ബാക്കി ഉലകവും

മഹാബലിയും മഹാപ്രളയവും

താളത്തില്‍ ഒരു നാദം കേള്‍പ്പൂ, പാതാളത്തില്‍ നിന്നാ ശബ്ദം. ശോകത വാഴും ഭൂഗര്‍ഭത്തിലെ, മൂകത മാറ്റിയതാരാണവിടെ. പ്രഹ്ളാദന്‍റെ പുത്രനൊരുത്തന്‍ ആഹ്ളാദത്തില്‍ കൊട്ടിയതത്രേ. എന്താ ബലിയേ സന്തോഷിക്കാന്‍, ചിന്താഗതിയില്‍ എന്തുണ്ടായി? കൊമ്പന്‍ മീശ വിറപ്പിച്ചിട്ട്, വമ്പന്‍ ദൈത്യന്‍ ഉത്തരമേല്‍കി. ചിങ്ങം പൊങ്ങാന്‍ നാളുകള്‍ ബാക്കി, വിങ്ങിപ്പൊട്ടുകയാണെന്‍ ഹൃദയം. പ്രഭുവാം നമ്മുടെ ദര്‍ശനസമയം, പ്രജയെ കാണാന്‍ കൊതിയാകുന്നു. ധൂളികള്‍ നീക്കി മകുടം മിനുക്കി, ചൂളി പോയി തിളക്കത്തില്‍ ബലി. മുട്ടനൊരെലിയെ തട്ടിയെറിഞ്ഞ്, വട്ടക്കുടയും കയ്യിലെടുത്തു. യാത്രക്കായിയൊരുങ്ങും നേരം, നേത്രം തള്ളും … Continue reading മഹാബലിയും മഹാപ്രളയവും